Vendhayam Health Benefits - நாம் உணவில் சேர்த்து பயன்படுத்தி வரும் வெந்தயத்தின் முழுமையான மருத்துவ பலன்கள் குறித்து இந்த தொகுப்பில் முழுமையாக பார்க்கலாம்.
வெந்தயம் ஒரு சத்தான உணவு மூலப்பொருள் மட்டும் அல்ல, அது பல ஆரோக்கிய மருத்துவ நன்மைகளையும் கொண்டுள்ளது. அதனால் தான் நம் முன்னோர்களும் சித்தர்களும் வெந்தயத்தை தினசரி உணவில் சேர்த்து பயன்படுத்தி வந்து இருக்கின்றனர், இந்த வெந்தயத்தில் இருக்கும் பலன் என்பது பல தமிழ் வைத்தியர்களின் குறிப்புகளிலும் இருப்பதாக கூறப்படுகிறது.
சரி இந்த வெந்தயத்தில் அப்படி என்ன தான் பலன் இருக்கிறது என்றால், வெந்தயம் சீரான செரிமானத்திற்கு உதவுகிறது. மலச்சிக்கல் மற்றும் வயிற்றுப்போக்கு போன்ற பிரச்சனைகளுக்கு இது ஒரு சிறந்த மருந்தாகும்.இரத்த சர்க்கரை அளவைக் கட்டுப்படுத்த உதவுகிறது. நீரிழிவு நோயாளிகள் தினமும் காலை வெறும் வயிற்றில் ஒரு டீஸ்பூன் வெந்தயம் சாப்பிட்டால் இரத்த சர்க்கரை கட்டுக்குள் வரும்.
வெந்தயம் தாய்ப்பால் உற்பத்தியை அதிகரிக்க உதவுகிறது. பாலூட்டும் தாய்மார்களுக்கு தினமும் எடுத்து வந்தால் தாய்ப்பால் பெருகும், எடை இழப்புக்கும், பசியைக் கட்டுப்படுத்தவும், வளர்சிதை மாற்றத்தை மேம்படுத்தவும் வெந்தயம் பெரும்பாலும் உதவுகிறது, இதய ஆரோக்கியத்திற்கும், இரத்த அழுத்தத்தைக் குறைக்கவும், கொழுப்பின் அளவைக் கட்டுப்படுத்தவும் வெந்தயம் பெருமளவில் உதவுகிறது.
சருமம் மற்றும் கூந்தல் ஆரோக்கியத்திற்கும் முகப்பரு மற்றும் முடி உதிர்வை கட்டுப்படுத்தவும் வெந்தயம் உதவுகிறது. வெந்தயத்தை உணவில் பல்வேறு வழிகளில் சேர்த்துக் கொள்ளலாம். அதை ஊற வைத்து சாப்பிடலாம், பொடியாகவும் அரைத்து சாப்பிடலாம், சமையலில் சேர்த்தும் பயன்படுத்தலாம். மொத்தத்தில் வெந்தயம் ஒரு அற்புதமான மூலப்பொருள், அதை உட்கொண்டால் பல பலன்களை அனுபவிக்கலாம்.
![[income tax penalty for late filing]](/img.businesstamizha.com/postimages/49c0ee4dc3b29d52c50d347957d9931c.webp)
