இந்த ஆண்டின் கும்பமேளாவில், 16 வயதான மோனாலிசா என்ற இளைஞி பலரது கவனத்தை ஈர்த்துள்ளார்.
உத்தரப் பிரதேசத்தின் பிரயாக்ராஜில் அமைந்துள்ள திரிவேணி சங்கமம், கங்கா, யமுனா, சரஸ்வதி ஆகிய மூன்று புனித நதிகளின் சங்கம இடமாகும். இங்கு 12 ஆண்டுகளுக்கு ஒருமுறை பூர்ண கும்பமேளா மற்றும் 144 ஆண்டுகளுக்கு ஒருமுறை மகா கும்பமேளா நடைபெறுகிறது. இந்த ஆன்மீகத் திருவிழாவில் கோடிக்கணக்கான பக்தர்கள் பங்கேற்கின்றனர்.
இந்த ஆண்டின் கும்பமேளாவில், 16 வயதான மோனாலிசா பலரது கவனத்தை ஈர்த்துள்ளார். மோனி போஸ்லே எனும் இவர், மத்திய பிரதேச மாநிலத்தின் இந்தூரைச் சேர்ந்தவர். தற்போது, பிரயாக்ராஜில் ருத்ராட்ச மாலைகளை விற்பனை செய்யும் தொழிலில் ஈடுபட்டு வரும் மோனாலிசா, சமூக வலைதளங்களில் புகழ் பெற்றிருக்கிறார். அவருடைய இயற்கை அழகு மற்றும் கருமேகக் கண்கள் பலரது கவனத்தையும் ஈர்த்துள்ளதால், "பிரவுன் பியூட்டி" என்ற பெயரையும் பெற்றுள்ளார்.
சமீப நாட்களில், மோனாலிசா குறுகிய காலத்திலேயே அதிக வருமானம் ஈட்டியதாக செய்திகள் வெளியானது. அவருடைய வீடியோக்கள் வைரலானதை தொடர்ந்து, 10 நாட்களில் ₹10 கோடி சம்பாதித்ததாக சில ஊடகங்கள் தெரிவித்தன. ஆனால், மோனா இதை மறுத்து, "அவ்வளவு சம்பாதித்திருந்தால், இங்கு நகைகள் விற்பதற்காக நான் இன்னும் நிற்பேன் என நினைக்கிறீர்களா?" என நகைச்சுவையாக பதிலளித்தார்.
இதனால், அவரது பிரபலத்தால் விற்பனை பாதிக்கப்பட்டுவிட்டதாக அவரது தந்தை வருத்தம் தெரிவித்துள்ளார். ருத்ராட்ச மாலை வாங்கும் பதிலாக, மோனாவுடன் செல்ஃபி எடுக்க மக்கள் அதிக ஆர்வம் காட்டுவதாகவும், இது வணிகத்தில் குறைப்பை ஏற்படுத்தியுள்ளதாகவும் அவர் தெரிவித்தார். தற்போது, அதிகமான மக்கள் அவரது கடைக்குப் பெருமளவில் கூடிவருவதால், அவரது பாதுகாப்பு முக்கியமான பிரச்சனையாகியுள்ளது என்றும் தெரிவித்துள்ளார்.
![[income tax penalty for late filing]](/img.businesstamizha.com/postimages/49c0ee4dc3b29d52c50d347957d9931c.webp)
