Deepseek Stuns AI World - உலகளாவிய அளவில் செயல்பட்டு வரும் அனைத்து AI நிறுவனங்களையும் ஆட்டம் காண வைத்து இருக்கிறது Deepseek.
Deepseek Stuns AI World - உலகளாவிய அளவில் தொழில் நுட்பம் மற்றும் எலக்ட்ரானிக்ஸ் துறையில் சாதிக்க பல்வேறு நிறுவனங்கள் இருந்தாலும் கூட, அதில் சீனா மட்டும் தனக்கென்று ஒரு வித்தியாசமான அணுகுமுறையை கொண்டு இருக்கும், அதாவது உலகமே ஒரு எலக்ட்ரானிக்ஸ் பொருளை ரூ 10,000 ரூபாய்க்கு சந்தைப்படுத்துகிறார்கள் என்றால் அதை சீனா வெறும் ரூ 5000 க்கு சந்தைப்படுத்தும்.
முன்பு தான் சீன பொருட்கள் என்றால் வாடிக்கையாளர்களுக்கு பயம், ஆனால் தற்போது அப்படி இல்லை, சீன தயாரிப்புகள் என்றால் உலக நாடுகளில் இருக்கும் டாப் நிறுவனங்களுக்கு தான் தற்போது பயம், அந்த வகையில் எலக்ட்ரானிக்ஸ் மற்றும் தொழில்நுட்ப பிரிவுகளில் தலை சிறந்து விளங்குகிறது சீனா,செயற்கை நுண்ணறிவு விடயத்திலும் தற்போது ஒரு அசாத்தியத்தை நிகழ்த்தி இருக்கிறது.
AI என்னும் போது கூகுள், டெஸ்லா, ChatGPT போன்ற முன்னனி நிறுவனங்கள் தான் நமக்கு நியாபகத்திற்கும் வரும், ஆனால் அதை எல்லாம் கடந்து அந்த மாபெரும் நிறுவனங்களை எல்லாம் திரும்பி பார்க்க வைத்து இருக்கிறது சீனாவின் Deepseek, அமெரிக்க அதிபர் ஆன ட்ரம்ப் அவர்களே Deepseek நிறுவனத்தை வெகுவாக தனது சமூக வலைதளங்களில் பாராட்டி பதிவிட்டு இருக்கிறார்.
சரி ஏன் Deepseek இவ்வளவு பிரபலம் என்றால், டெஸ்லா, கூகுள், Meta எல்லாம் பில்லியன் டாலர் மதிப்புகளில் AI காக முதலீடு செய்து, செயற்கை நுண்ணறிவு தொழில் நுட்பங்களை வடிவமைத்து வரும் நிலையில், வெறும் மில்லியன் டாலர்களில், அதை விட அட்வான்ஸான தொழில் நுட்பத்தை புகுத்தி Deepseek AI டூல் ஒன்றை வடிவமைத்து சீனா வெளியிட்டு இருக்கிறது,
" இந்த Deepseek AI மற்ற AI களை காட்டிலும் 50 மடங்கு வரை மலிவானது, இதனால் AI மார்க்கெட்டில் Deepseek புதிய புரட்சியே ஏற்பட்டு இருக்கிறது, சீனாவின் இந்த Deepseek பயனர்களுக்கும் மலிவானதாக துவங்கப்பட்டு இருப்பதால் மற்ற AI கள் சரிவை சந்தித்து வருகின்றன "
