Withdraw Money Without ATM Card - இந்தியாவில் ATM கார்டு இல்லாமலேயே UPI மூலமாக பணம் டெபாசிட் செய்யும் புதிய வசதியை இந்திய ரிசர்வ் வங்கி அறிமுகம் செய்துள்ளது.அதை பற்றி விரிவாக பார்க்கலாம்.
Withdraw Money Without ATM Card -மக்கள் தினசரி பயன்படுத்தப்படும் முக்கியமான சேவையாக வங்கிகள் இருந்து வருகிறது.வங்கியும், அதனை சார்ந்த சேவைகளும் நாளுக்கு நாள் அதிகரித்து கொண்டே இருக்கின்றது.மேலும், வங்கிகளில் பணம் டெபாசிட் செய்ய, பணம் எடுக்க, கடன் பெற, நகைக்கடன் உள்ளிட்ட பல்வேறு தேவைகளுக்காக மக்கள் தினமும் வங்கிகளுக்கு வருகை தந்து கொண்டிருக்கின்றனர்.
இந்நிலையில், ஒவ்வொரு வங்கியும் தங்களது வாடிக்கையாளர்களுக்கு ஏடிஎம் கார்டுகளை வழங்குகின்றது. மக்கள் இதனை பணம் எடுக்க பயன்படுத்துகின்றனர்.சிலர் பணம் டெப்பாசிட் செய்வதற்கும் பயன் படுத்துகின்றனர். வங்கிக்குச் செல்லாமலேயே, தேவைப்படும் நேரத்தில் எளிதாக பணம் எடுக்க ஏடிஎம் கார்டுகள் மிகவும் பயனுள்ளதாக இருக்கின்றது. மேலும், வங்கிகள் போல் குறிப்பிட்ட நேரத்தில் மட்டும் இல்லாமல், ஏடிஎம்களில் 24 மணி நேரமும் பணம் எடுக்கலாம். இதனால் மக்களுக்கு ஏடிஎம்கள் மிகுந்த சுலபமாக உள்ளன. அத்துடன், பணத்தையும் இதன் மூலம் டெபாசிட் செய்யலாம்.
இந்த நிலையில், ஏடிஎம்களில் கார்டுகள் இல்லாமல் யுபிஐ (UPI) மூலம் பணத்தை டெபாசிட் செய்வதற்கான புதிய வசதியை இந்திய ரிசர்வ் வங்கி (ஆர்பிஐ) அறிமுகம் செய்துள்ளது. இதன் மூலம் வங்கிகள் மற்றும் ஒயிட் லேபிள் ஏடிஎம் ஆபரேட்டர்களால் இயக்கப்படும் ஏடிஎம்களில் யுபிஐயை பயன்படுத்தி பணத்தை டெபாசிட் செய்யலாம். வங்கி கணக்குடன் விர்ச்சுவல் பேமெண்ட் முகவரிகள் (VPA), யுபிஐ, IFSC ஆகியவை இணைக்கப்பட்ட மொபைல் எண்ணைப் பயன்படுத்தி பணத்தை டெபாசிட் செய்யலாம். இந்த புதிய வசதியை இந்திய தேசிய பேமெண்ட் கழகம் (NPCI) அறிமுகம் செய்துள்ளது.
தற்போது தேர்ந்தெடுக்கப்பட்ட ஏடிஎம் மையங்களில் மட்டுமே இந்த சேவையை மக்கள் பெற முடியும். அனைத்து ஏடிஎம்களிலும் இந்த புதிய சேவையை பயன்படுத்த நடவடிக்கை எடுக்கப்பட்டு வருவதாக தகவல்கள் தெரிவிக்கின்றன. இந்த புதிய அம்சம் பணத்தை எடுக்கவும், டெபாசிட் செய்யவும் உதவுகிறது. இந்த வசதியை படிப்படியாக தங்கள் ஏடிஎம் நெட்வொர்க்குகளில் சேர்க்க வங்கிகள் நடவடிக்கை எடுத்து வருகின்றன.
இந்த புதிய தொழில்நுட்பம் ஏடிஎம் கார்டு இல்லாமல் யுபிஐ பயன்படுத்தி பணத்தை எடுக்க உதவுகிறது. இதனால் இனிமேல் ஏடிஎம் கார்டை மறந்து விட்டாலும் கவலைப்பட தேவையில்லை. ஏற்கனவே யுபிஐ மூலம் ஏடிஎம்களில் பணம் எடுக்கும் வசதி இருந்தாலும், தற்போது இந்த புதிய வசதி மேலும் எளிமையாக்கப்பட்டுள்ளது. அத்துடன் டெபாசிட் செய்வதையும் யுபிஐ மூலம் ஈசியாக்கியுள்ளது என்பது குறிப்பிடத்தக்கது.
