Roriri Software Solutions - களக்காட்டில் கலக்கி வரும் Roriri Software Solutions கம்பெனி குறித்து இந்த தொகுப்பில் முழுமையாக பார்க்கலாம்.
Roriri Software Solutions - தொழில்நுட்ப நிறுவனங்கள் என்றாலே நகரங்களில் தான் பெரும்பாலும் இருக்கும், கார்பரேட் நிறுவனங்களும் அங்கு தான் தங்களது நிறுவனங்களை அமைக்க ஆசைப்படுகிறார்கள், பெரும்பாலான தொழில்நுட்ப நிறுவனங்கள் சென்னை, பெங்களுரு, ஹைதராபாத், திருவனந்தபுரம் போன்ற நகரங்களை மையப்படுத்தி தான் தங்களது நிறுவனத்தை துவங்குகின்றனர்.
தமிழகத்தை எடுத்துக் கொண்டால் தொழில் நுட்ப நிறுவனங்களின் தலைநகரமாக சென்னை விளங்கி வருகிறது, TCS, Infosys, HCL, Accenture, Wipro, Zoho, Tech Mahindra, Capgemini, WNS Global, Freshworks என அடுக்கி கொண்டே போகலாம், அந்த அளவிற்கு சென்னையில் தொழில்நுட்ப நிறுவனங்களின் வளர்ச்சி வெகுவாக அதிகரித்துக் கொண்டே செல்கிறது.
ஆனால் தொழில் நுட்ப நிறுவனங்கள் எல்லாம் பெரும்பாலும் நகரங்களை மையப்படுத்தியே வந்தவை என்றாலும் இதில் Zoho மட்டும் கொஞ்சம் தனித்துவமானது, அவர்கள் கிராமங்களிலும் தொழில் நுட்ப நிறுவனங்களை நிறுவி கொஞ்சம் வித்தியாசம் காட்டினர், கிராமங்களில் நல்ல காற்று கிடைக்கிறது, ட்ராபிக் இல்லை, வேலை செய்ய நல்ல சூழலும் இருக்கிறது, இடம் பரந்து விரிந்து இருக்கிறது.
இதற்கு மேல் என்ன வேண்டும் என்பது Zoho நிறுவனர் ஸ்ரீதர் வேம்புவின் கேள்வியாக இருக்கிறது, தற்போது அவரை பின்பற்றி Roriri Softwares Solutions என்ற ஒரு தொழில் நுட்ப நிறுவனம் நெல்லை நகரின் களக்காடு என்னும் கிராமத்தில் துவங்கப்பட்டு இருக்கிறது, தென்னை மரங்கள் சூழ்ந்து இருக்கும் சோலையின் நடுவே நிறுவனம், பந்தலுக்கு அடியில் வேலை செய்யும் அமைப்பு என கலக்கி வருகிறது.
" ரகுபதி என்பவரால் துவங்கப்பட்ட இந்த நிறுவனம் ஐடி கன்சல்டன்ஸி, மொபைல் செயலி வடிவமைப்பு, மென்பொருள் வடிவாக்கம், இணையதள வடிவாக்கம் உள்ளிட்ட சேவைகளை வழங்கி வருவது குறிப்பிடத்தக்கது "
